ilo esun en nasin Lanta Kakulu

mi wile toki e ijo tawa sina. ijo ni li pona tawa jan mute pi pali ilo. ni li ilo esun. esun ni li esun mani ala. ona li ante. open la mi toki e esun ni.

ilo esun li seme?

o toki insa e ni: ilo li lon. sina pana e nanpa tawa ilo ni la ilo ni li pana e nanpa tawa sina. ilo ni li ilo esun nanpa. ona li kama jo e nanpa la ona li pana e nanpa. sina wile sitelen e ni la nanpa sina li ken sitelen kalama. jan mute li kepeken sitelen $x$. taso, ni li ken sitelen ale.

o toki insa e ilo esun nanpa ni: ona li sin e wan tawa nanpa. sina pana e wan tawa ilo ni la ilo ni li pana e tu tawa sina. sina wile sitelen e esun ni la sina ken sitelen e ni: $x \rightarrow x + 1$. nanpa moku li sitelen $x$. nanpa kama li sitelen $x + 1$. sitelen $\rightarrow$ li lon insa.

nasin sitelen Lanta Kakulu

jan Alonso Ta (Alonzo Church) li pali e nasin sitelen Lanta Kakulu (Lambda Calculus). nasin sitelen ni li kepeken sitelen kalama Lanta tan toki Elena. sitelen kalama Lanta li ni: $\lambda$. sina wile sitelen e ilo esun la nanpa wan la sina sitelen e sitelen kalama Lanta. nanpa tu la sina sitelen e sitelen kalama pi nanpa sina. sitelen kalama ni li seme? ona li ken ale! taso, tenpo mute la mi kepeken sitelen $x$. nanpa tu wan la sina sitelen e sitelen sike lili. nanpa pini la sina sitelen e nanpa ilo. mi toki e ilo esun lon tenpo pini. sitelen la ona li ni: $$\lambda x. x+1$$

ilo esun pona

mi toki e ilo esun mute tawa sina.

ilo pi esun sama

sitelen la ilo pi esun sama li ni:

$$\lambda x.x$$

esun ni li seme? mi pana e nanpa tawa ilo ni la ona li pana e nanpa sama tawa mi. ni li esun sama.

sitelen esun

mi wile sitelen e esun la mi sitelen e ilo esun lon nanpa wan e ijo pana lon nanpa tu. mi ken kepeken sitelen poki lon ilo esun. sama ni:

$$(\lambda x.x)y$$

ni li seme? ni li esun. ilo esun li ilo pi esun sama. mi pana e sitelen $y$ tawa ilo esun. tenpo kama la seme li lon? mi jo e sitelen $y$ taso.

$$y$$

mi pana e sitelen $y$ tawa ilo pi esun sama la mi jo e sitelen $y$ taso. esun li lon e sitelen $y$. tenpo pini la mi jo e sitelen mute. ni li sitelen ike. mi ante e sitelen ni la mi jo e sitelen pona. mi pona e sitelen pi tenpo pini. esun li lon sitelen la sina ken pona e sitelen.

[ TODO ]